EBAk alokairurako babes ofizialeko 162 etxebizitza (aBOE) eraikiko ditu Vitoria-Gasteizen
17/09/2026

Euskadiko Etxebizitza eta Lurra, S.A.k (VISESA) EBAri esleitu dizkio 1 eta 4 logela bitarteko 162 etxebizitza, denak terrazadunak, eta 162 aparkaleku hartuko dituen aBOE bizitegi bat eraikitzeko obrak. Eraikinak 17.000 metro koadro baino gehiagoko azalera eraikia izango du, eta soto-solairu batez eta sestra gaineko zortzi solairuz osatuko da. Gasteizko Arkaiate-Salburua 12. sektoreko lurzati batean egingo da.

Eraikinak bizikletentzako aparkalekuak, haurtxoentzako aulkientzako gela bereziak eta mugikortasun urriko pertsonentzat egokitutako zazpi etxebizitza ere izango ditu.

Proiektuak bolumen trinkoa planteatzen du, iparralderantz irekitako «U» formako oinplanoarekin, bost atarirekin. Ekialdeko eta mendebaldeko besoek zortzi solairuko garaiera izango dute, eta hegoaldeko besoak, berriz, zazpi solairukoa; erdialdean, beheko solairuko gune bat izango du.