EBAk lau izarreko Zenit Hotela eraikiko du Donostian
07/11/2018

Hotel Zenit Palacio Amara Slk EBAri esleitu dizkio 4 izarreko eta 81 logelako hotel berriaren eraikuntza-lanak Donostiako Siervas de María komentu ohian.

Hotel berriak 4.500 metro karratu baino gehiagoko azalera eraikia izango du, 9 solairutan banatuta, erdisotoko solairua barne (han jatetxea egongo da, beste zerbitzu batzuen artean). Horrez gain, estalitako solairu bat egongo da, hoteleko bezeroentzako solariuma eta jacuzzia duen terrazarekin.

Proiektuak badu berezitasun bat: eraikina mantendu eta birgaitu egin behar da, hau da, egungo fatxada eta barruan dagoen kapera bat, harrera gisa erabiliko dena.